Quid est Descriptio?

R. Descriptio est oratio quæ rem particularem exponit et ejus quasi imaginem exhibet.

Quibusnam in operibus Descriptionis usus est?

R. Fere in omnibus: nam et poeta copiose atque ornate, et historiarum scriptor, licet parcius, et orator, cum id causa postulat, res moresque describunt.

Quæ sunt Descriptionis virtutes?

R. Prima est ut toti operi conveniat apteque connectatur. Jure eos reprehendit Horatius, a quibus

Purpureus, late qui splendeat, unus et alter

Assuitur pannus, cum lucus et ara Dianæ

Et properantis aquæ per amœnos ambitus agros,

Aut fiumen Rhenum, aut pluvius describitur arcus:

Sed nunc non erat his locus.

2. Sit vera et propria, seu rei descriptæ conformis. Cave tamen ne, veros colores sectando, in sordes cadas:

N’y présentez jamais de basse circonstance, Boil.

3. Sit una brevisque, nec in ea quicquam reperiatur, quod ad finem intentum non pertineat. Vide in Telemacho, ubi Calypsus antrum pingitur, ut ad lautam quamdam simplicitatem referuntur omnia.

4. Perspicua sit, quod ordine præsertim efficitur.

Jamvero consentaneum est ut statim universæ rei conspectum quemdam exhibeas, et ad singulas deinde partes eo descendas ordine, quo vel a natura dispositæ sunt, vel a spectatore animadverti aut lustrari debuerunt.

Sic Virgilius portum, quo Trojani sese post tempestatem receperunt, eadem serie exponit, qua res singulas eos quæsivisse et invenisse putandum est. (Vid. loc. Æn. I, 159).

Item La Fontaine (XII, 4):

Un ruisseau se rencontre, et pour pont une planche:

Deux belettes à peine auraient passé de front

Sur ce pont.

D’ailleurs l’onde rapide et le ruisseau profond

Devaient faire trembler de peur ces Amazones.

5. Sit suavis tum verbis propriis, significantibus, et, ubi opus est, splendidis ac magnificis. Hoc enim Boileau poetam epicum admonet:

Soyez riche et pompeux dans vos descriptions.

Tum inserendis quibusdam animorum motibus, quibus si careat Descriptio, langueat necesse est. Rursus audiatur Fénelon:

Les divers canaux qui formaient ces îles semblaient se jouer dans la campagne..., d’autres, par de longs détours revenaient sur leurs pas comme pour remonter vers leur source, et semblaient ne pouvoir quitter ces bords enchantés.(Télém. lib. I).

Quænam est Descriptionum materia?

R. Describuntur vel res, vel personæ.

1. Res, ut regio, civitas, templum, tempestas, incendium etc. Plerumque juvat in rebus describendis testem aliquem et actorem ponere, cujus affectibus lector ipse moveatur. Sic Virgilius in tempestatis imagine, lib. I. Georg., messorem affingit, cujus labores pluvia diluantur.

2. In personarumDescriptione tum animi studia, virtutes ac vitia, tum corporis lineamenta motusque et indoles, tum cultus et habitus, verba factaque notantur.

Jam personæ effinguntur sive singulæ, ut Catilina apud Sallustium; sive in gentem conjunctæ, ut apud Bossuetum Ægyptii, Græci, Romanique et alii (Disc. sur l’Hist. univ.). Romanorum effigiem sic exorditur:

De tous les peuples du monde le plus fier et le plus hardi, mais tout ensemble le plus réglé dans ses conseils, le plus constant dans ses maximes, le plus avisé, le plus laborieux et enfin le plus patient, a été le peuple romain.

Sæpe genera quædam describuntur, ut dives, ut avarus, ut adolescens; quibus in formis exhibendis La Bruyère eximius fuit: in ejus opere les Caractères lege Giton (le Riche, c. 6), Phédon (le Pauvre, ibid.) et Ménalque (le Distrait, c. 11).

In exprimendis animalibus Buffon ceteros facile præcellit: lege le Chien, le Cheval, l’Oiseau-Mouche.

3. Aliquando bini effinguntur homines, vel etiam res, quo clarius ea, quæ in iis similia, vel secus sint, appareant: ita Bossuet παραλλ?λως Condæum et Turennium descripsit mirifice. Lege apud Buffon la Chèvre et la Brebis, le Lion et le Tigre, le Serin et le Rossignol.

Universim placent opposita in Descriptionibus, si modo nec frequentior eorum usurpatio sit, nec durior colorum diversitas.

Chateaubriand, qui egregie describere solet, opposita aliquando putide captat, e. g.:

Une barbe de mousse blanche descend du menton d’une Hébé; le pavot croît sur les feuillets du livre de Mnémosyne, aimable symbole de la renommée passée, et de l’oubli présent de ces lieux. (Génie du Christianisme.)