DE OBSECRATIONE

Quid est Obsecratio?

R. Obsecratio, ut nomen ipsum per se satis indicat, fit cum alicujus sive Dei, sive hominis opem imploramus. Hoc Schemate Philoctetes Neoptolemum flectere conatur:

O mon fils, je te conjure, par les mânes de ton père, par ta mère, par tout ce que tu as de plus cher sur la terre, de ne pas me laisser seul dans les maux que tu vois. Fen. Télém.

Vehemens est etiam atque flexanima Palinuri ad Æneam obtestatio apud Virgilium Æn. VI:

Quod te per cœli jucundum lumen et auras,

Per genitorem oro, per spem surgentis Iuli,

Eripe me his, invicte, malis. Aut tu mihi terram

Injice, namque potes, portusque require Velinos.

Aut tu, si qua via est, si quam tibi Diva creatrix

Ostendit (neque enim credo sine numine divum

Flumina tanta paras stygiamque innare paludem)

Da dextram misero, et tecum me tolle per undas.

Hæc Figura præ ceteris vehemens est, et in perorationibus potissimum solet adhiberi.