Quid est Spes?

R. Est gaudium ex opinione imminentis boni.

Quænam sunt incitamenta animum ad Spem erigentia?

R. Hæc duo numerantur: 1. honestas, et magnitudo boni; 2. præsidia certa ad illud comparandum, qualia sunt opes, vires, industria, prudentia, amici, adversariorum imbecillitas et favor divinus. Hinc Tullius Romanos ad certam victoriæ Spem excitat sane luculenter II Catilin.:

Instruite nunc, Quirites, contra has tam præclaras Catilinæ copias, vestra præsidia, vestrosque exercitus; et primum gladiatori illi confecto et saucio, consules, imperatoresque vestros opponite. Deinde contra illam naufragorum ejectam ac debilitatam manum, florem totius Italiæ, et robur educite.

Hinc etiam Æneas suorum animos mirum in modum erigit, et bene sperare jubet, Æn. I:

O passi graviora, dabit Deus his quoque finem… (Vid. loc.)

Huc refer orationem Joad ad Levitas (Athalie, act. IV):

Voilà donc votre roi, votre unique espérance…

Demosthenes Spem Atheniensium excitat ex ipso rerum pessimo statu, eorumque priore socordia, solerter: II Π ρ?τον μ?ν ο?? ?θυμητ?ον... (I Phil.)