Quid est Oratio Genethliaca?

Est ea quae in natalem alicujus diem fieri solet.

Quomodo fit?

Sive quis sit prole recens auctus, sive provectus aetate mactetur oratione anniversariâ, respicitur tempus nativitatis, annus, mensis, dies, hora, locus; virtus paerentum, familia. Subsequitur spes, gratulatio, precatio & votum

Affer exemplum.

Esto ex Eglogâ IV. Virgilii, 7.

Jam nova progenies coelo demittitur alto:

Tu modò nascenti puero, quo ferrea primum

Desinet, ac toto surget gens aurea mundo,

Casta fave Lucina; tuus jam regnat Apollo,

Teque adeò decus hoc aevi, te consule inibit

Pollio, & incipient magni procedere menses.

Quid est Lustrica?

Est ea quae celebratur dùm infanti primùm nato, nomen imponitur.