DES OPPOSEZ.

Les choses qui existent sont contraires, lors qu’elles se chassent d’un sujet en acte, & qu’elles ne s’on chassent pas en puissance, ce qui est froid peut estre chaud.

Les choses qui existent sont opposées relativement, lors qu’elles se combattent en acte & en puissance: le Pere n’est pas le Fils de son Fils, & ne le peut estre.

Les choses, dont les unes sont quelque estre reel, & dont les autres ne sont rien, sont opposées privativement, lors qu’elles se chassent en acte, & qu’elles ne se chassent pas en puissance, ce qui est obscure, peut estre lumineux,

Les choses sont opposées contradictoirement, lors que les unes sont quelque estre effectif, & que les autres ne sont rien, & qu’elles se combattent en acte & en puissance, un homme ne peut estre homme, & ne l’estre pas.

Enfin les choses sont opposées diversement, lors que les unes ne sont point de la nature des autres, & qu’encore qu’il n’y ait point d’affinité entr’elles, elles peuvent demeures ensemble, la jurisprudence & la foy peuvent subsister en mesme temps & en mesme sujet.