Quid est Inventio?

Est excogitatio rerum verarum aut verisimilium quae causam probabilem reddant; vel quae ita causae saveant, ut docendo, delectando & movendo, Orator possit persuadere.

Orator igitur diligenter ac penitùs rem de qua agitur cognoscat; quod obtinebit si eam attentè consideret, partes ejus singulas comprehendat atque intelligat, circumstantias omnes scrutetur¸ atque ex his omnibus videat quid causae suae faveat & quid ipsi contrarium sit.

Inventio est pars Rhetoricae gravior; neque enim Rhetorica posita est in verbis, sed in vera Eloquentia quae rationibus sic tanquam nervis continetur.

Quoenam sunt Inventionis Adjumenta?

Loci, tùm intrinseci, tùm extrinseci; Argumentatio, Lectio, & Imitatio.