Quid est Tropus [note: A verbo trepô, converto, immuto. Sic dicuntut Vela pro Navibus. Aquila pro Imperio Germano, Musa pro Carmine, & c.]?

Est elocutio, quâ propria verbi significatio in aliam mutatur.

De Troporum generibus.

Quot sunt Troporum genera?

Duo: unum in uno verbo positum; alterùm in pluribus.

Pprimum genus Troporum.

 Quot Troporum species primum genus includit?

Septem: quae sunt 1. Metaphora, 2. Synecdoche, 3. Metonymia, 4. Antonomasia, 5. Onomatopoeia, 6. Catachresis, & 7. Metalepsis, his versibus definitae:

Dat propriae similem translata Metaphora vocem,

Confundit totum cum parte Synecdoche partis,

Atque Metonymia imponit nova nomina rebus,

Antonomasia imponit cognomen; ut Irus

Impius; AEacides; Poenus; Cytherea; Poëta.

A sonitu voces Onomatopoeia fingit,

Durior impropriae est Catachresis abusio vocis,

Transcendit mediis gradibus Metalepsis ad altum.

Ad idem genus referri possunt Epanalepsis, & Epanodos, de quibus aliquid dicemus.

[...]

SECUNDUM GENUS TROPORUM.

Quot sunt species in altero genere inclusae?

Quatuor: nempè Allegoria, Periphrasis, Hyperbaton, Hyperbole.

Addi posset Ironia; vide ubi de illâ.