Colonia, 1872 : De arte rhetorica, libri quinque

Définition publiée par RARE

Dominique De Colonia, De Arte rhetorica libri quinque, Lyon, apud Briday Bibliopolam, 1872, Liber Quartus, chap. I, art. I, § 4, "De Gratulatione", p 219-220

Définition publiée par RARE, le 22 août 2018

DE GRATULATIONE

Quid est Gratulatio?

R. Est oratio qua testamur alicui lætitiam quod aliquid ei feliciter successerit.

Habebit gaudii vel privati, vel communis significationem; rem, cujus occasione fit oratio, commendabit et augebit; eum, cui fit, laudabit, ac benevolentia prosequetur.

Sic in epinicio, quod est Gratulatio ob reportatam victoriam, post exordium splendidum floridumque et hilaritatis plenum amplificari poterit belli necessitas, difficultas, æquitas, celeris confectio; victoriæ commoda, pugnantium fortitudo. Peroratio vota continebit pro victoris incolumitate et gloria, gratiis Deo O. M., victoriarum largitori, ut par est, persolutis.